Azərbaycan Prezidenti İlham Əliyev Qarabağın bərpasına göstərilən dəstəyə görə Qırğızıstana təşəkkür edib.
İlkinxeber.az informasiya agentliyi xəbər verir ki, bu barədə dövlət başçısı Çolpon-Ata şəhərində keçirilən Azərbaycan və Qırğızıstan Dövlətlərarası Şurasının 3-cü iclasında çıxışı zamanı bildirib.
Prezident İlham Əliyev qeyd edib ki, Qarabağın yenidən qurulmasında göstərilən kömək yüksək qiymətləndirilir:
“Qarabağın bərpasında köməyə görə təşəkkürümü bildirmək istərdim. Ağdam bölgəsində Sizinlə birlikdə açılışını etdiyimiz və Manasın adını daşıyan məktəbdə artıq uşaqlar təhsil alırlar. Bu məktəb qardaşlığımızın növbəti rəmzi olmaqla yanaşı, xalqlarımızın birliyinin abidəsi kimi daim yaşayacaqdır. Təkcə Qarabağ sakinləri deyil, bütün Azərbaycan xalqı bunu yüksək dəyərləndirir”.
