İlkinxeber.az informasiya agentliyi məlumat verir ki, Azərbaycan Prezidenti İlham Əliyev Bakıda səfərdə olan Ukraynanın sabiq Prezidenti Viktor Yuşenko ilə görüşüb.
Görüş zamanı Azərbaycan-Ukrayna münasibətlərinin möhkəmləndirilməsi istiqamətində görülən birgə işlər və əlaqələrin gələcək perspektivləri barədə fikir mübadiləsi aparılıb.
Prezident İlham Əliyev bildirib ki, Viktor Yuşenko ilə 20 ildən artıq davam edən tanışlıq çərçivəsində xoş xatirələr bölüşülüb və iki ölkə arasında əməkdaşlığın inkişafı ilə bağlı məsələlər müzakirə edilib.
Görüş zamanı Ukraynanın Azərbaycandakı səfiri tərəfindən Prezident İlham Əliyevə “İrpin şəhərinin fəxri vətəndaşı” vəsiqəsi də təqdim olunub.
