Bu gün Naxçıvan Muxtar Respublikasının Culfa şəhərində yerləşən beşmərtəbəli yaşayış binasının ikinci mərtəbəsində yanğın baş verib.
İLKİNxeber.az informasiya agentliyinin əldə etdiyi məlumata görə, hadisə nəticəsində 2004-cü il təvəllüdlü Fidan Dünyamin qızı Zeynalova və onun 2023-cü il təvəllüdlü övladı Emil Cəfər oğlu Zeynalov xəsarət alıblar.
Yaralılar ilkin tibbi yardım göstərildikdən sonra Culfa Rayon Mərkəzi Xəstəxanasına çatdırılıb. Daha sonra vəziyyətləri nəzərə alınaraq Naxçıvan Muxtar Respublika Xəstəxanasına təxliyə ediliblər.
Həkimlərin bütün səylərinə baxmayaraq, yanğın zamanı ağır xəsarətlər alan azyaşlı Emil Zeynalovun həyatını xilas etmək mümkün olmayıb.
Faktla bağlı araşdırma aparılır, yanğının başvermə səbəbləri müəyyənləşdirilir.
