Yardımlıda 6500 ədəd narkotik tərkibli bitki məhv olundu

Yardımlı rayonunda narkotik tərkibli bitkilərin qanunsuz dövriyyəsinin qarşısının alınması məqsədilə növbəti tədbir həyata keçirilib.
İLKİNxeber.az informasiya agentliyinin əldə etdiyi məlumata görə, Rayon Polis Şöbəsinin əməkdaşlarının keçirdikləri “Xaş-xaş 2026” adlı kompleks əməliyyat tədbirləri zamanı Arvana kəndi ərazisində yabanı halda yetişən narkotik tərkibli xaş-xaş bitkiləri aşkar olunub.
Əraziyə baxış zamanı ümumi çəkisi 1420 kiloqram olan 6500 ədəd xaş-xaş kolu müəyyən edilərək müvafiq qaydada məhv edilib.
Faktla bağlı profilaktik və nəzarət tədbirlərinin davam etdirildiyi bildirilir.