İLKİNxeber.az informasiya agentliyi xəbər verir ki, bu barədə Daxili İşlər Nazirliyi məlumat yayıb.
Bildirilib ki, İsmayıllı Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi və kultivasiyası ilə məşğul olan şəxslərə qarşı əməliyyat tədbirləri həyata keçirilib.
Keçirilən tədbirlər nəticəsində əvvəllər də oxşar cinayətə görə məhkum olunmuş 44 yaşlı Rəşad Mazanov saxlanılıb. Onun üzərindən 10 kiloqram marixuana aşkarlanıb. Araşdırmalar zamanı müəyyən edilib ki, o, narkotik vasitələri satış məqsədilə meşəlik ərazidə gizlədib.
Bundan əlavə, digər əməliyyat zamanı narkotik tərkibli bitkilərin becərilməsi ilə məşğul olan 36 yaşlı Paşa Usubov da saxlanılıb. Onun yaşadığı ünvandan kultivasiya yolu ilə yetişdirilmiş 31 ədəd çətənə kolu aşkarlanıb.
Faktlarla bağlı cinayət işləri başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib.
