Bakı şəhərinin Binəqədi rayonunda yerləşən hotellərdən birində ölüm hadisəsi qeydə alınıb.
ilkinxeber.az informasiya agentliyinin əldə etdiyi məlumata görə, hadisə Biləcəri qəsəbəsində yerləşən hotellərdən birində baş verib. Belə ki, paytaxt sakini, əvvəllər məhkum olunmuş, 1984-cü il təvəllüdlü İ. İbrahimovun meyiti qaldığı otaqda aşkarlanıb. İlkin baxış zamanı onun üzərində zorakılıq əlamətləri müəyyən edilməyib.
Faktla bağlı Binəqədi Rayon Prokurorluğunda araşdırma aparılır.
