Şəmkir rayonunun Mahmudlu kəndində bıçaq xəsarəti alan 12 yaşlı N. T xəstəxanaya çatdırılmadan əvvəl vəfat edib.
ilkinxeber.az informasiya agentliyi xəbər verir ki, bu barədə TƏBİB məlumat yayıb.
Bildirilib ki, hadisə ötən gün saat 21:00 radələrində baş verib. 2014-cü il təvəllüdlü azyaşlı (qadın cinsli) Şəmkir Rayon Mərkəzi Xəstəxanasının Təcili tibbi yardım şöbəsinə ölü vəziyyətdə gətirilib.
Məlumata görə, polis əməkdaşlarının keçirdikləri əməliyyat tədbirləri nəticəsində qətli törətməkdə şübhəli bilinən 16 yaşlı bacısı S. Rəhimova saxlanılıb. Faktla bağlı araşdırmalar davam etdirilir.
Qeyd edək ki, hadisədən əvvəl azyaşlının itkin düşməsi ilə bağlı valideynləri polisə müraciət etmişdilər.
