İlkinxeber.az informasiya agentliyi məlumat verir ki, Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digər şəxslərin apellyasiya şikayətləri üzrə məhkəmə yekun qərarını elan edib.
Qərara əsasən, Bakı Hərbi Məhkəməsinin 2026-cı il 5 fevral tarixli hökmü apellyasiya instansiyasında dəyişdirilmədən qüvvədə saxlanılıb.
Hökmə görə, Arayik Harutyunyan, Levon Mnatsakanyan, David Manukyan, Davit İşxanyan və David Babayan ömürlük azadlıqdan məhrumetmə cəzasına məhkum ediliblər.
Digər təqsirləndirilən şəxslərdən Arkadi Qukasyan və Bako Sahakyan 20 il, Madat Babayan və Melikset Paşayan 19 il, Qarik Martirosyan 18 il, Davit Allahverdiyan və Levon Balayan 16 il, Vasili Beqlaryan, Qurgen Stepanyan və Erik Qazaryan isə 15 il müddətinə azadlıqdan məhrum ediliblər.
