Lənkəranda bir neçə gündür itkin düşən iki şəxsin meyiti meşəlik ərazidə aşkarlanıb.
İlkinxeber.az informasiya agentliyinin məlumatına görə, 29 yaşlı Xəzər Vurğun oğlu Mirzəyev və 16 yaşlı Fidan Şahid qızı Məmmədovanın meyitləri rayonun “İbadi” adlandırılan meşəlik ərazisində tapılıb.
Məlumata əsasən, onlar bir neçə gün əvvəl şəhərə getmək adı ilə evdən çıxıblar. Bundan sonra ailələri onlardan xəbər ala bilməyib.
Xəzər Mirzəyevin atası Vurğun Mirzəyev bildirib ki, oğlu sonuncu telefon danışığında Lənkərana, anasının yanına getdiyini deyib. Daha sonra onun telefonuna zəng çatmayıb.
Ailəyə sonradan gənclərin tapıldığı barədə məlumat verilib.
Qeyd edək ki, Xəzər Mirzəyev və Fidan Məmmədovanın yaxın qohum olduğu bildirilir.
Onların ölüm səbəbləri hələlik məlum deyil. Faktla bağlı araşdırma aparılır.
