İlkinxeber.az informasiya agentliyi məlumat verir ki, Siyəzən Rayon Polis Şöbəsinin əməkdaşları narkotik vasitələrin qanunsuz dövriyyəsi və narkotik tərkibli bitkilərin kultivasiyası ilə bağlı əməliyyat keçirib.
Əməliyyat zamanı narkotik tərkibli bitkilərin yetişdirilməsində şübhəli bilinən 43 yaşlı Teymur Cavadov saxlanılıb. Onun yaşadığı evin həyətinə baxış keçirilərkən xüsusi qulluqla yetişdirilən 62 ədəd narkotik tərkibli kol aşkarlanaraq götürülüb.
Bundan əlavə, rayon ərazisində narkotik vasitələrin qanunsuz dövriyyəsində şübhəli bilinən daha 8 nəfər müəyyən edilərək saxlanılıb.
Aşkarlanan faktlarla bağlı cinayət işləri başlanılıb. Saxlanılan şəxslər barəsində məhkəmənin qərarı ilə həbs qətimkan tədbiri seçilib.
