İlham Əliyev IV Bakı Təhlükəsizlik Forumunun iştirakçılarına müraciət edib

İlkinxeber.az informasiya agentliyi məlumat verir ki, Azərbaycan Prezidenti İlham Əliyev IV Bakı Təhlükəsizlik Forumunun iştirakçılarına müraciət ünvanlayıb.
Dövlət başçısı müraciətində bildirib ki, artıq dördüncü dəfə Bakıda keçirilən Forum müxtəlif ölkələrin xüsusi xidmət və təhlükəsizlik orqanlarının rəhbər və nümayəndələrini bir araya gətirərək beynəlxalq təhlükəsizlik məsələləri üzrə fikir mübadiləsi və qarşılıqlı əməkdaşlığın inkişafı üçün mühüm platforma rolunu oynayır.
Qeyd olunub ki, Forumun iştirakçı coğrafiyasının hər il genişlənməsi və burada müzakirə edilən məsələlərin aktuallığı Bakı platformasının beynəlxalq səviyyədə artan nüfuzunu nümayiş etdirir.