İspaniyada yüksək sürətli sərnişin qatarlarının toqquşması nəticəsində azı 68 nəfər həyatını itirib, 179-dan çox insan yaralanıb. Yaralılardan təxminən 15-nin vəziyyətinin kritik olduğu bildirilir.
İlkinxeber.az informasiya agentliyi məlumat verir ki, faciə ölkənin mərkəzi hissəsində, Toledo əyalətinin Urda şəhəri yaxınlığında, Madrid–Sevilya yüksək sürətli dəmir yolu xəttində baş verib.
Məlumata görə, dövlətə məxsus “Renfe” şirkətinin qatarı siqnal sistemində yaranan nasazlıq nəticəsində yolda dayanmış özəl “Iryo” şirkətinə məxsus qatara arxadan çırpılıb. Qatarlarda ümumilikdə 500-dən çox sərnişin olub.
İspaniyanın nəqliyyat naziri Oskar Puente bildirib ki, kompüter sistemindəki nasazlıqdan sonra dispetçer mərkəzindən “Renfe” qatarına qırmızı siqnala baxmayaraq hərəkəti davam etdirmək barədə qaydalara zidd göstəriş verilib.
Ölkənin Baş naziri Pedro Sançes hadisə yerinə baş çəkib və faciə ilə əlaqədar üç günlük rəsmi matəm elan ediləcəyini açıqlayıb.
Qəza ilə əlaqədar İspaniya Futbol Federasiyası Kral Kubokunun həmin gün keçirilməsi nəzərdə tutulan bütün oyunlarını təxirə salıb. Azərbaycan Xarici İşlər Nazirliyi də faciə ilə bağlı İspaniya xalqına başsağlığı verib.
Hadisə yerində axtarış-xilasetmə işləri davam edir. Ölənlərin sayının artacağı istisna edilmir.
