“İlkinxeber.az” xəbər verir ki, ötən gecə Ağdaş rayonunda qeydə alınan yol-nəqliyyat hadisəsində ağır xəsarət alan 41 yaşlı Ramil Həsənov müalicə aldığı xəstəxanada vəfat edib.
Məlumata görə, Əlirza Lətifovun idarə etdiyi “VAZ-2106” markalı avtomobilin ağaca çırpılması nəticəsində Ramil Həsənov müxtəlif dərəcəli bədən xəsarətləri almışdı.
Qeyd edək ki, qəza zamanı onun qardaşı, 37 yaşlı Elgün Həsənov hadisə yerində həyatını itirmişdi.
Daxili İşlər Nazirliyinin Mətbuat Xidmətinin regional qrupundan bildirilib ki, faktla bağlı cinayət işi başlanılıb, hadisənin başvermə səbəbləri araşdırılır.
