İLKİNxeber.az informasiya agentliyi məlumat verir ki, hadisə şəhərin çıxış hissəsində, Gəncə–Goranboy istiqamətində qeydə alınıb. Hərəkətdə olan “Hyundai” markalı sərnişin avtobusu “Range Rover” markalı minik avtomobili ilə toqquşub.
Qəza nəticəsində avtobusda olan 8 sərnişin müxtəlif dərəcəli bədən xəsarətləri alıb. Yaralılar dərhal xəstəxanaya çatdırılıb və onlara tibbi yardım göstərilib.
Xəsarət alan şəxslərin 1998-ci il təvəllüdlü Ə. Əliyev, 2000-ci il təvəllüdlü A. Mehdiyev, 1995-ci il təvəllüdlü S. Məmmədova, 1986-cı il təvəllüdlü E. Həsənova, 1989-cu il təvəllüdlü Ə. Süleymanov, 2024-cü il təvəllüdlü Ə. Süleymanova, 2022-ci il təvəllüdlü M. Süleymanova və 1996-cı il təvəllüdlü R. Məmmədova olduğu bildirilir.
Faktla bağlı araşdırma aparılır.
