İsrailin Baş naziri Benjamin Netanyahu İranın nüvə proqramı və regionda aparılan hərbi əməliyyatlarla bağlı sərt açıqlamalar verib.
İLKİNxeber.az informasiya agentliyi xəbər verir ki, İsrail hökumət başçısı ölkəsinin Iran istiqamətində həyata keçirdiyi əməliyyatlar nəticəsində ciddi nəticələr əldə etdiyini bildirib və bu addımların İsraili böyük təhlükədən qoruduğunu iddia edib.
Netanyahu qeyd edib ki, İranın nüvə proqramı onun siyasi fəaliyyətinin əsas istiqamətlərindən biri olub və bu məsələyə münasibətində dəyişiklik yoxdur. O, bu mübarizəni şəxsi missiyası kimi dəyərləndirib.
Baş nazir həmçinin mümkün diplomatik razılaşma ehtimallarına toxunaraq İsrailin mövqeyinin dəyişməz qaldığını vurğulayıb. Onun sözlərinə görə, hansı ssenari olmasından asılı olmayaraq İranın nüvə silahına sahib olmasına icazə verilməyəcək.
