Pakistanın Baş naziri Şahbaz Şərif iyulun 3-dən 6-dək İran və Türkiyəyə rəsmi səfər edəcək.
İLKİNxeber.az informasiya agentliyi xəbər verir ki, bu barədə Pakistanın “Dawn” nəşri məlumat yayıb.
Məlumata əsasən, səfər çərçivəsində Şahbaz Şərif İran və Türkiyə rəhbərliyi ilə bir sıra görüşlər keçirəcək. Bildirilir ki, Pakistan hökumət başçısı Tehran və Vaşinqtonu sülh prosesinin irəliləməsi naminə İslamabad anlaşma memorandumunda nəzərdə tutulan öhdəliklərə əməl etməyə çağıracaq.
Qeyd edək ki, ABŞ ilə İran arasında əldə olunmuş kövrək atəşkəs iyunun 27-də Fars körfəzində yaşanan qarşılıqlı hərbi insidentlərdən sonra yenidən gərginləşib. Məlumata görə, ABŞ İranın rabitə və hava hücumundan müdafiə infrastrukturuna, eləcə də pilotsuz uçuş aparatları və minalama vasitələrinin saxlanıldığı obyektlərə zərbələr endirib. Vaşinqton bu əməliyyatın Hörmüz boğazında neft tankerinə qarşı həyata keçirilən hücuma cavab olaraq təşkil edildiyini bildirib.
