İlkinxeber.az informasiya agentliyi xəbər verir ki, hadisə iyunun 30-da gecə saatlarında rayonun Əyyublu kəndində qeydə alınıb. Bakı şəhər sakini, 32 yaşlı Elməddin Quliyev idarə etdiyi mikroavtobusla sərnişinləri kəndə gətirdikdən sonra ərazidə gecələmək qərarına gəlib.
Məlumata görə, həmin vaxt o, kənd sakini, 1997-ci il təvəllüdlü Asəf Rüstəmovla qarşılaşıb və aralarında mübahisə yaranıb. Mübahisə zamanı A. Rüstəmov Elməddin Quliyevə qarın və ürək nahiyələrindən bıçaq zərbələri endirib.
Ağır xəsarət alan yaralı dərhal xəstəxanaya çatdırılsa da, onun həyatını xilas etmək mümkün olmayıb.
Bildirilir ki, hadisəni törətməkdə şübhəli bilinən Asəf Rüstəmov uzun müddət Rusiyada yaşayıb və bir neçə ay əvvəl Azərbaycana qayıdıb.
Polis əməkdaşlarının keçirdiyi əməliyyat tədbirləri nəticəsində A. Rüstəmov saxlanılaraq istintaqa təhvil verilib.
Faktla bağlı cinayət işi başlanılıb, araşdırmalar davam etdirilir.
