Yaponiyada son bir həftə ərzində müşahidə olunan anomal isti hava ciddi fəsadlara səbəb olub.
İlkinxeber.az informasiya agentliyi məlumat verir ki, ölkənin Daxili İşlər və Kommunikasiyalar Nazirliyinin açıqlamasına əsasən, yüksək temperatur nəticəsində 14 nəfər həyatını itirib, 10,8 min nəfər isə xəstəxanaya yerləşdirilib.
Məlumata görə, xəstəxanaya müraciət edənlərin böyük əksəriyyətinə günvurma və istiliklə bağlı sağlamlıq problemləri diaqnozu qoyulub.
Mütəxəssislər əhaliyə zəruri hallarda açıq havada uzun müddət qalmamağı, bol maye qəbul etməyi və günəşdən qoruyucu tədbirlərə riayət etməyi tövsiyə edir.
