Ordubad rayonunun Vənənd kəndində ağır ailə faciəsi baş verib.
İlkinxeber.az informasiya agentliyi xəbər verir ki, kənd sakini, 29 yaşlı Elvar Babayev səhhətinin qəfil pisləşməsi nəticəsində həyatını itirib.
Məlumata görə, onun ölüm xəbəri ailəsinə çatdırıldıqdan sonra 63 yaşlı anası Fatimə xanım bu acıya dözməyərək vəfat edib. Ana bir gün sonra oğlunun yanında torpağa tapşırılıb.
Kənd sakinlərinin sözlərinə görə, Elvar Babayevin səhhətində problemlər olub: “Təzyiqi yüksək idi, xəstəxanaya aparıblar, lakin orada dünyasını dəyişib. Anası isə bu itkiyə dözə bilmədi, bir gün sonra o da vəfat etdi. Ana-bala birlikdə yaşayırdılar”.
Faktla bağlı əlavə araşdırmalar aparılır.
