Türkiyədən gələn TIR Zaqatalada “Chevrolet”i vurub aşırdı – Yaralananlar var
İlkinxeber.az informasiya agentliyi məlumat verir ki, Zaqatalanın Əliabad qəsəbəsində yol-nəqliyyat hadisəsi baş verib.
Hadisə bu gün saat 12 radələrində qeydə alınıb. Məlumata görə, Bakı istiqamətində hərəkətdə olan Türkiyə qeydiyyatlı iritutumlu yük maşını ilə Zaqatala rayon sakininin idarə etdiyi “Chevrolet Niva” markalı avtomobil toqquşub.
Toqquşmanın ardından minik avtomobili yoldan çıxaraq aşıb.
Qəza nəticəsində “Chevrolet Niva”da olan iki nəfər xəsarət alıb. Yaralılar tibbi yardım göstərilməsi üçün xəstəxanaya yerləşdiriliblər.
Hadisənin başvermə səbəbləri araşdırılır.
