İlkinxeber.az informasiya agentliyi məlumat verir ki, Lənkəran rayonunda bir neçə gündür ailə üzvləri tərəfindən axtarılan iki şəxsin meyiti aşkarlanıb.
Hadisə rayonun Havzava kəndi ərazisində baş verib. 1997-ci il təvəllüdlü Xəzər Vurğun oğlu Mirzəyev və 2010-cu il təvəllüdlü Fidan Şahid qızı Məmmədovanın meyitləri “İbadi” adlanan meşəlik sahədə tapılıb.
Məlumata görə, mərhumlar yaxın qohum olublar.
Meyitlərə baxış keçirilib. Ölüm səbəblərinin müəyyənləşdirilməsi üçün müvafiq ekspertiza və araşdırmalar aparılır.
Hadisə ilə bağlı araşdırmalar davam etdirilir.
