Masazır qəsəbəsində baş verən qətlin təfərrüatları məlum olub.
İlkinxeber.az informasiya agentliyi məlumat verir ki, hadisə avqustun 12-də, saat 22 radələrində baş verib. 1993-cü il təvəllüdlü Sahil Nuriyev kəsici-deşici alətlə qətlə yetirilib.
Məlumata görə, Sahil Nuriyevin qardaşı tatu ustasıdır. İddialara əsasən, onun Hüseyn Vəliyevə tatu vurmasından sonra xidmət haqqının ödənilməsi ilə bağlı mübahisə yaranıb. Mübahisəyə Sahil Nuriyev də qoşulub.
Nəticədə Sahil Nuriyev bıçaqlanaraq ağır vəziyyətdə xəstəxanaya çatdırılıb. Lakin onun həyatını xilas etmək mümkün olmayıb.
Polis əməkdaşlarının keçirdiyi tədbirlər nəticəsində 2008-ci il təvəllüdlü Hüseyn Vəliyev saxlanılaraq istintaqa təhvil verilib.
Faktla bağlı araşdırma aparılır.
