Azərbaycan İnvestisiya Holdinqində rəhbər dəyişdi

Azərbaycan İnvestisiya Holdinqinin (AİH) baş icraçı direktoru və İdarə Heyətinin üzvü Ruslan Əlixanov tutduğu vəzifədən azad edilib.
ilkinxeber.az informasiya agentliyi xəbər verir ki, bununla bağlı qərarı Azərbaycan Respublikasının Baş naziri, AİH-in Müşahidə Şurasının sədri Əli Əsədov qəbul edib.
Qərara əsasən, baş icraçı direktorun vəzifəsinin icrası müvəqqəti olaraq AİH-in baş icraçı direktorunun müavini Dəyanət Sədullayevə həvalə olunub.
Bununla əlaqədar holdinqin İdarə Heyətinə müvafiq tapşırıqlar verilib.