Şəhid qızı Azərbaycan çempionu oldu

İlkinxeber.az informasiya agentliyi məlumat verir ki, Bakıda keçirilən taekvondo üzrə ölkə birinciliyi və çempionatında Göygölün İrəvan İdman Mərkəzinin yetirməsi Dərya Hüseynova uğurlu nəticə göstərib.
30 kq çəki dərəcəsində mübarizə aparan Dərya bütün rəqiblərinə qalib gələrək yarışın qızıl medalını qazanıb və Azərbaycan çempionu adını əldə edib.
Qeyd edək ki, Dərya Hüseynova Vətən müharibəsi zamanı Cəbrayıl uğrunda gedən döyüşlərdə şəhid olan Elbrus Hüseynovun qızıdır.