“20 Yanvar”a getməyə ehtiyac qalmadı – YENİLİK

Paytaxta daxil olan sərnişinlərə yeni imkan: “Avtovağzal” metrosuna çatmaq daha rahat olacaq
İlkinxeber.az informasiya agentliyi məlumat verir ki, ətraf ərazilərdən Bakıya gələn sərnişinlər üçün yeni nəqliyyat imkanı yaradılıb.
Artıq sərnişinlər “20 Yanvar” metrostansiyasına və “Şamaxinka” kimi tanınan əraziyə getmədən “Avtovağzal” metrostansiyasından ödənişsiz istifadə edə biləcəklər.
Sərnişinlərin bu imkandan daha rahat yararlanması məqsədilə “Avtovağzal” metrostansiyasının yaxınlığındakı dayanacağa əlavə 16 marşrut xətti yönləndirilib.
Eyni zamanda avtobusların Bakı-Sumqayıt yoluna daha sürətli çıxışını təmin etmək üçün yeni avtobus zolağı təşkil edilib.
Əvvəllər avtobuslar stansiyanın qarşısından hərəkət edərkən Bakı-Sumqayıt yoluna çıxana qədər əlavə 1,1 kilometr məsafə qət edirdi. Yeni nəqliyyat həlli nəticəsində bu məsafə təxminən 100 metrə endirilib.
Bu dəyişikliklərin ərazidə artan nəqliyyat intensivliyinin qarşılanmasına və sərnişinlərin daha rahat hərəkətinə xidmət etməsi nəzərdə tutulur.