Lənkəranda vətəndaşların 150 min manatdan çox pulunu ələ keçirən şəxs saxlanılıb
İlkinxeber.az informasiya agentliyi məlumat verir ki, Lənkəranda dələduzluq yolu ilə vətəndaşların 150 min manatdan artıq vəsaitini ələ keçirməkdə şübhəli bilinən şəxs saxlanılıb.
Daxili İşlər Nazirliyinin məlumatına görə, H.Məmmədov zərərçəkənlərə müxtəlif dövlət qurumlarında tanışlarının olduğunu deyərək, onlara təqaüd düzəltmək, yüksək maaşlı işlə təmin etmək və digər vədlər verib. Bu yolla vətəndaşlardan ümumilikdə 150 min manatdan artıq pul aldığı müəyyənləşdirilib.
Faktla bağlı cinayət işi başlanılıb. Məhkəmənin qərarı ilə H.Məmmədov barəsində həbs qətimkan tədbiri seçilib.
Hazırda araşdırma davam etdirilir.
