İlkinxeber.az informasiya agentliyi məlumat verir ki, Prezident İlham Əliyev “Bakı Metropoliteni” QSC-nin fəaliyyətinin genişləndirilməsi ilə bağlı yeni fərman imzalayıb.
Fərmana əsasən, “Bakı Metropoliteni” sərnişin kanat yolları ilə sərnişindaşıma xidmətlərinin göstərilməsini və bu xidmətlərin keyfiyyət və təhlükəsizlik səviyyəsinin artırılmasını təmin edəcək.
Bununla yanaşı, kanat yollarında gediş haqqının ödənilməsi, xidmətlərin təşkili və idarə olunması üzrə innovativ və rəqəmsal həllərin tətbiqi nəzərdə tutulur.
Sənədə əsasən, kanat yollarının layihələndirilməsi və tikintisi, maddi-texniki bazanın gücləndirilməsi və müasirləşdirilməsi, həmçinin xidmətlərin qarşılıqlı inteqrasiyası, vahid mərkəzdən idarə olunması və əlaqələndirilməsi də “Bakı Metropoliteni”nin fəaliyyət istiqamətlərinə daxil ediləcək.
