Bu gün “Qisas əməliyyatı” şəhidi Rəşad Əlizamin oğlu Qənbərlinin şəhadətə çatdığı gündür. Şəhidin anım günü Cəlilabad rayonunun Uzuntəpə kəndində qeyd olunur.
Anım günü ilə əlaqədar şəhid Rəşad Qənbərlinin Cəlilabad rayonunun Uzuntəpə kəndində yerləşən məzarı ziyarət edilib. Ziyarət zamanı şəhidin ruhuna dualar oxunub, əziz xatirəsi ehtiramla yad edilib.
Mərasimdə rayon və kənd ictimaiyyətinin nümayəndələri, şəhid və qazi ailələri, kənd sakinləri, ziyalılar, eləcə də media nümayəndələri iştirak ediblər.
İştirakçılar Rəşad Qənbərlinin məzarı önündə onun Vətən qarşısındakı xidmətlərindən və şəhidlik zirvəsinə ucalan Azərbaycan övladlarının qəhrəmanlığından söz açıblar. Bildirilib ki, şəhidlərin xatirəsinin yaşadılması, onların ailələrinə göstərilən diqqət və ehtiram xalqımızın mənəvi dəyərlərinin mühüm göstəricisidir.
Anım mərasimində ilkinxeber.az informasiya agentliyinin baş redaktoru İlkin Şakiroğlu və agentliyin əməkdaşları da iştirak ediblər. ilkinxeber.az kollektivi Rəşad Qənbərlinin ailəsinə dərin ehtiramını ifadə edib və şəhidin əziz xatirəsini yad edib.
Rəşad Əlizamin oğlu Qənbərlinin adı doğma Uzuntəpə kəndinin yaddaşında və onu tanıyan insanların xatirəsində daim yaşayacaq.
Allah şəhidimizə rəhmət eləsin, ruhu şad olsun.
