İlkinxeber.az informasiya agentliyi məlumat verir ki, Azərbaycan cüdoçusu Rəşid Məmmədəliyev Bakıda keçirilən dünya çempionatında 73 kq çəki dərəcəsində mübarizəsini davam etdirir.
Cüdoçumuz 1/4 final mərhələsində fransalı Dalyan Boulemtafesə 0:2 hesabı ilə məğlub olub.
R.Məmmədəliyev təsəlliverici görüşdə italiyalı Leonardo Valeriani ilə qarşılaşacaq. Qələbə qazandığı halda idmançımız bürünc medal uğrunda tatamiyə çıxacaq.
Qeyd edək ki, bu çəkidə mübarizə aparan Olimpiya çempionu Hidayət Heydərov isə 1/8 finalda italiyalı Covanni Espositoya məğlub olaraq dünya çempionatında çıxışını başa vurub.
