İlkinxeber.az informasiya agentliyi məlumat verir ki, Mədəniyyət Nazirliyinin Dağlıq Şirvan Regional Mədəniyyət İdarəsinin rəisi Vüsal İbrahimov qəfil vəfat edib.
Mərhumun yaxınlarının paylaşdığı məlumata görə, onun meyiti Şamaxı şəhərində yaşadığı evdə aşkarlanıb. Ölüm səbəbi hələlik məlum deyil.
Faktla bağlı Şamaxı Rayon Prokurorluğunda araşdırma aparılır.
Qeyd edək ki, Vüsal İbrahimov bu ilin avqust ayında Dağlıq Şirvan Regional Mədəniyyət İdarəsinin rəisi vəzifəsinə təyin olunub. O, bundan əvvəl Quba-Xaçmaz Regional Mədəniyyət İdarəsinin rəisi vəzifəsində çalışıb.
