İlkinxeber.az informasiya agentliyi məlumat verir ki, Bakının Xətai rayonunda yerləşən restoranlardan birində 43 yaşlı C. Mirağayevin bıçaqlanaraq öldürülməsi ilə bağlı cinayət işi üzrə 11 nəfər həbs olunub.
Araşdırmalar zamanı hadisənin əvvəlcədən planlaşdırılmış şəkildə təşkilində iştirak etdikləri müəyyən edilən şəxslər saxlanılıblar.
Həbs olunanlar arasında əvvəllər məhkum olunmuş Ramil Dadaşov, Eldar Eldarov, Əhməd Əlizadə, İsmayıl Kazımov, Həsən Zülfüqarov, Fərid Əyyublu və Xəyyam Səfixanov, eləcə də Mikayıl İsmayılov, Kamran Əfəndiyev, Elvin Səfərov və Elmar Nuriyev var.
