İran Prezidenti Məsud Pezeşkian ABŞ ilə mümkün razılaşma ilə bağlı növbəti açıqlamasını verib.
İLKİNxeber.az informasiya agentliyi xəbər verir ki, İran lideri “X” sosial şəbəkəsində paylaşdığı mesajda bildirib ki, ABŞ tərəfi əldə olunmuş razılaşmanın şərtlərinə əməl edərsə, Tehran da üzərinə götürdüyü öhdəlikləri yerinə yetirəcək.
Məsud Pezeşkian vurğulayıb ki, qarşılıqlı anlaşma yalnız hər iki tərəfin öhdəliklərinə sadiq qalması ilə mümkündür.
İran Prezidenti əlavə edib ki, ölkəsinin mövqeyi əsassız təhdidlər və güc nümayişi qarşısında rasional qərarlar qəbul etmək, insan ləyaqətini qorumaq və zərurət yarandığı halda qətiyyətlə özünü müdafiə etmək prinsipinə əsaslanır.
