İLKİNxeber.az informasiya agentliyi məlumat verir ki, paytaxtda taksi sürücüsü ilə müştəri arasında yaranan mübahisə fiziki qarşıdurma ilə nəticələnib.
Belə ki, “Changan” markalı avtomobillə taksi fəaliyyəti göstərən 28 yaşlı sürücü maşına əyləşmək istəyən şəxsin qapını kobud şəkildə açmasına etiraz edib. Bu irad tərəflər arasında gərginliyə səbəb olub.
Məlumata görə, mübahisə zamanı qarşı tərəfin onu təhqir etməsinə əsəbiləşən Ramiz Cəfərov həmin şəxsə yumruqla zərbə endirərək xəsarət yetirib.
Hadisə ilə bağlı Ramiz Cəfərov saxlanılıb və barəsində cinayət işi açılıb. Lakin zərərçəkən şəxsin şikayətçi olmaması səbəbindən məhkəmənin qərarı ilə cinayət işinin icraatına xitam verilib.
