İLKİNxeber.az informasiya agentliyi məlumat verir ki, Abşeron rayonunda iri həcmli oğurluq hadisəsi qeydə alınıb.
Daxili İşlər Nazirliyindən verilən məlumata görə, Abşeron Rayon Polis İdarəsinin Saray Polis Bölməsinin əməkdaşlarının keçirdikləri əməliyyat tədbirləri nəticəsində rayon ərazisində silsilə oğurluq hadisələri törətməkdə şübhəli bilinən 5 nəfər – Tural Heydərli, Səid Qasımov, Binyət Bayramlı, İsmayıl Xıdırov və Rasif Əliyev saxlanılıb.
Araşdırmalar zamanı müəyyən edilib ki, saxlanılan şəxslər müxtəlif ünvanlardan ümumi dəyəri 19 min manat olan elektrik naqillərini oğurlayıblar. Bundan əlavə, onların digər bir həyətyanı sahədən elektrik mühərrikləri və müxtəlif avadanlıqlar taladıqları da üzə çıxıb.
Keçirilən əlavə tədbirlər zamanı Rasif Əliyevin rayon ərazisində fəaliyyət göstərən marketlərdən birindən tütün məmulatları, lotereya biletləri və nağd pul oğurladığı da müəyyən olunub.
Faktlarla bağlı araşdırmalar davam etdirilir.
