İlkinxeber.az informasiya agentliyi məlumat verir ki, Bakının mərkəzində milli irsimizin təbliği məqsədilə kəlağayı yürüşü keçirilib.
QHT-lərin təşkilatçılığı ilə bir qrup azərbaycanlı xanım Qız Qalasının qarşısından milli baş örtüyü olan kəlağayı ilə yürüşə başlayıb.
Təşəbbüsün əsas məqsədi milli geyimlərə, xüsusilə də Azərbaycan kəlağayısına marağı artırmaq və bu qədim sənət nümunəsini tanıtmaqdır.
Qeyd edək ki, Azərbaycan kəlağayısı 2014-cü ildə UNESCO-nun Qeyri-Maddi Mədəni İrs üzrə Reprezentativ Siyahısına daxil edilib.
