Xidmət rəsmisi bildirib ki, bu sahədə mövcud problemlərin həlli istiqamətində bir sıra təkliflər hazırlanır və oxşar hallarla mütəmadi olaraq rastlaşırlar.
İlkinxeber.az informasiya agentliyi xəbər verir ki, onun sözlərinə görə, məqsəd Azərbaycan gənclərinin savadlı və peşəkar kadr kimi yetişməsinə dəstək verməkdir.
“Biz qanunvericilikdə müvafiq dəyişikliklər etməliyik. Bütün amillər və meyarlar diqqətlə təhlil olunmalıdır ki, həqiqətən təhsil alan gənclərin hüquqları zərər görməsin. Yeni yanaşmalar tətbiq edilməlidir. Hazırda təhsil möhlətləri bəzi hallarda hərbi xidmətdən yayınma və korrupsiya riskləri yaradır. Bu problemlər aradan qaldırılmalıdır.
Xaricdə magistratura və doktorantura pilləsində ciddi şəkildə təhsil alan, imtahanlar verən şəxslər təhsil möhləti əldə edirlər. Lakin bəziləri sadəcə arayış təqdim etməklə vaxt qazanır və dövlət resurslarının səmərəsiz istifadəsinə səbəb olur. Bu isə ədalətli yanaşma deyil”, – deyə o vurğulayıb.
