İlkinxeber.az informasiya agentliyinin əldə etdiyi məlumata görə, 43 yaşlı Samirə Baxışova “Səhra çiçəyi 999” adlı hesabında canlı yayım zamanı nalayiq ifadələr işlədib.
Bununla bağlı onun barəsində İnzibati Xətalar Məcəlləsinin 510.2-ci maddəsi ilə protokol tərtib olunub.
Məhkəmədə S. Baxışova törətdiyi əmələ görə peşman olduğunu bildirib. O, ifadəsində canlı yayım zamanı bəzi izləyicilərin əxlaqsız təkliflər etdiyini, buna əsəbiləşərək nalayiq ifadələr işlətdiyini deyib.
İki uşaq anası olan TikTokerin barəsində məhkəmənin qərarı ilə 700 manat məbləğində inzibati cərimə tətbiq edilib.
Qeyd edək ki, İnzibati Xətalar Məcəlləsinin 510.2-ci maddəsi internet informasiya ehtiyatlarında ictimai mənəviyyatı təhqir edən, cəmiyyətə açıq hörmətsizlik ifadə edən hərəkətlərə görə məsuliyyət nəzərdə tutur.
