Salyan rayonunda ağır yol qəzası qeydə alınıb.
İlkinxeber.az xəbər verir ki, hadisə ötən gün axşam saatlarında köhnə Ələt–Astara magistral yolunun Dayıkənd kəndi ərazisindən keçən hissəsində baş verib.
Belə ki, hərəkətdə olan “VAZ” markalı minik avtomobili idarəetmədən çıxaraq traktorla toqquşub. Zərbənin təsirindən avtomobil daha sonra yol kənarındakı su kanalına düşüb.
Qəza nəticəsində xəsarət alan Kürqaraqaşlı kənd sakini, 53 yaşlı Rafət Məmmədov Salyan Rayon Mərkəzi Xəstəxanasına çatdırılıb.
Xəstəxanadan verilən məlumata görə, yaralıya zəruri tibbi yardım göstərilib, vəziyyəti stabilləşdirildikdən sonra bu gün səhər saatlarında evə buraxılıb.
Faktla bağlı araşdırma aparılır.
