Gəncədə kütləvi dava: yaralananlar xəstəxanaya yerləşdirildi.

İLKİNxeber.az-ın əldə etdiyi məlumata görə, insident şəhərin Gülüstan qəsəbəsində baş verib. Ərazi əsasən Kəlbəcər rayonundan olan məcburi köçkünlərin məskunlaşdığı yaşayış massividir.
Hadisə zamanı müxtəlif dərəcəli bədən xəsarətləri alan şəxslər xəstəxanalara çatdırılıb. Xəsarət alanlar Saday Nəzərov, Zöhrab Nəzərov, Elvin Nəzərov, Elşən Nəzərov, Təbriz Fərzəliyev, Murad Xəlilov və Sakit Nəzərovdur.
Məlumata görə, hadisə yerinə dərhal polis əməkdaşları cəlb olunub, ərazidə təhlükəsizlik tədbirləri görülüb.
Faktla bağlı hüquq mühafizə orqanları tərəfindən araşdırma aparılır, davanın başvermə səbəbləri və iştirakçıların məsuliyyəti müəyyənləşdirilir.