İLKİNxeber.az informasiya agentliyinin məlumatına görə, Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu bu ilin yanvar ayından may ayınadək olan dövrdə gəlir və xərclər üzrə göstəricilərini açıqlayıb.
Fondun gəlirləri proqnozla müqayisədə 9 faiz və ya 307 milyon manat çox olmaqla 3 milyard 676 milyon manat təşkil edib. Gəlirlərin tərkibində məcburi dövlət sosial sığorta daxilolmaları da artım nümayiş etdirib. Belə ki, bu daxilolmalar proqnoza nisbətən 6 faiz və ya 167 milyon manat artaraq 2 milyard 815 milyon manat olub.
İLKİNxeber.az informasiya agentliyinin xəbərinə əsasən, bu ilin 5 ayı ərzində Dövlət Sosial Müdafiə Fondu üzrə xərclər 3 milyard 440 milyon manat təşkil edib. Bu göstərici ötən ilin eyni dövrü ilə müqayisədə 10 faiz və ya 316 milyon manat artım deməkdir.
