Lənkəran rayonunda bir nəfərin şəlalədə çimərkən boğulması ilə bağlı məlumat daxil olub.
İLKİNxeber.az informasiya agentliyi məlumat verir ki, hadisə rayonun ucqar dağ kəndlərindən biri olan Biləsər ərazisində qeydə alınıb. Belə ki, Fövqəladə Hallar Nazirliyinin Cənub Regional Mərkəzinə Hirkan Milli Parkının ərazisində yerləşən Bum şəlaləsində bir nəfərin batması barədə məlumat daxil olub.
Dərhal hadisə yerinə Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri, həmçinin hüquq-mühafizə orqanlarının əməkdaşları cəlb olunub.
Hazırda şəlalədə batan şəxsin tapılması və kimliyinin müəyyən edilməsi istiqamətində əməliyyat-axtarış tədbirləri davam etdirilir.
