Ağdaşda 60 yaşlı kişi Şirvan kanalında boğularaq həyatını itirdi

Ağdaş rayonunda bədbəxt hadisə baş verib.
İLKİNxeber.az informasiya agentliyinin əldə etdiyi məlumata görə, hadisə iyunun 17-də səhər saatlarında rayonun Qarağan Şıxlar kəndi ərazisində qeydə alınıb.
Kənd sakini, 1966-cı il təvəllüdlü Zahir Zakirovun kənddən keçən Şirvan su kanalına düşərək boğulduğu bildirilir. Onun meyiti sonradan sudan çıxarılaraq aidiyyəti üzrə təhvil verilib.
Faktla bağlı Ağdaş Rayon Prokurorluğunda araşdırma aparılır, hadisənin dəqiq səbəbləri müəyyənləşdirilir.