İLKİNxeber.az informasiya agentliyi xəbər verir ki, yarımadada hava əsasən yağmursuz keçəcək, lakin gündüz saatlarında bəzi yerlərdə yağış yağacağı gözlənilir. Ayrı-ayrı ərazilərdə yağıntının qısamüddətli intensiv xarakter daşıması, şimşək çaxması ehtimalı var. Şimal qərb küləyinin əsəcəyi bildirilir.
Havanın temperaturu gecə 19 ilə 23 dərəcə isti, gündüz 26 ilə 31 dərəcə isti olacaq. Atmosfer təzyiqi 757 millimetr civə sütunu səviyyəsində, nisbi rütubət isə gecə 70 ilə 80 faiz, gündüz 55 ilə 60 faiz təşkil edəcək.
Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı ərazilərdə yağışların intensiv və güclü xarakter alması, şimşək çaxması, dolu düşməsi ehtimalı mövcuddur. Gecə və səhər bəzi dağlıq ərazilərdə duman müşahidə oluna bilər. Qərb küləyinin bəzi yerlərdə arabir güclənəcəyi bildirilir.
Havanın temperaturu gecə 19 ilə 22 dərəcə isti, gündüz 28 ilə 33 dərəcə isti, dağlıq ərazilərdə gecə 9 ilə 14 dərəcə isti, gündüz 17 ilə 22 dərəcə isti, bəzi yerlərdə isə 24 ilə 26 dərəcə isti olacaq.
