İLKİNxeber.az informasiya agentliyi xəbər verir ki, Azərbaycan Xarici İşlər Nazirliyi Venesuelada baş vermiş dağıdıcı zəlzələlər nəticəsində həlak olanlarla bağlı başsağlığı mesajı yayıb.
Nazirliyin bəyanatında qeyd olunub ki, insan tələfatına və genişmiqyaslı dağıntılara səbəb olan zəlzələ xəbəri Azərbaycanda dərin kədər hissi ilə qarşılanıb.
“Venesuellada baş verən, insan itkilərinə və genişmiqyaslı dağıntılara səbəb olan zəlzələ xəbəri bizi dərindən kədərləndirdi. Həlak olanların ailələrinə dərin hüznlə başsağlığı verir, bu çətin günlərdə Venesuela xalqı və hökuməti ilə həmrəy olduğumuzu bildiririk. Zərərçəkənlərin hər birinin tezliklə sağalmasını arzulayırıq”, deyə paylaşımda vurğulanıb.
Qeyd edək ki, Venesuelada baş verən iki güclü zəlzələ nəticəsində 32 nəfər həyatını itirib, 700 nəfərdən çox insan yaralanıb.
