İlkinxeber.az informasiya agentliyi məlumat verir ki, Fövqəladə Hallar Nazirliyinin (FHN) “112” qaynar telefon xəttinə “Daçnik” adlanan ərazidə, ən yaxın xilasetmə məntəqəsindən təxminən 3 kilometr aralı nəzarətsiz sahədə bir nəfərin batması barədə məlumat daxil olub.
Hadisə ilə bağlı dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb olunub və axtarışlara başlanılıb.
Bildirilir ki, 2003-cü il təvəllüdlü Rəhman Məzahim oğlu Əmirovun batdığı ehtimal edilən istiqamətlərdə hazırda axtarış-xilasetmə tədbirləri davam etdirilir.
FHN vətəndaşlara müraciət edərək bir daha təhlükəsizlik qaydalarına ciddi əməl etməyə, nəzarətsiz ərazilərdə çimməməyə və küləkli hava şəraitində dənizə daxil olmamağa çağırır.
