Fransanın bir neçə bölgəsində baş verən güclü leysan yağışları və ildırım hadisələri faciə ilə nəticələnib.
İlkinxeber.az informasiya agentliyi xəbər verir ki, bu barədə BFMTV məlumat yayıb.
Məlumata görə, İzer və Yuxarı Vyenna departamentlərində ildırım vurması nəticəsində iki nəfər həyatını itirib. Ölənlərdən biri güclü külək və ildırım səbəbindən aşan ağacın altında qalaraq dünyasını dəyişib.
Digər şəxs isə ona məxsus metallurgiya müəssisəsində ildırımın yaratdığı yanğını söndürməyə çalışarkən alovun içində qalaraq faciəli şəkildə həlak olub.
Hadisədən əvvəl Fransanın milli meteorologiya xidməti ölkənin departamentlərinin təxminən üçdə birində təhlükəli hava şəraiti ilə bağlı xəbərdarlıq etmişdi.
