İran Prezidenti Məsud Pezeşkian ölkə rəhbərliyi ilə Ali Rəhbər Əli Xamenei arasında koordinasiyanın və əməkdaşlığın əvvəlki dövrlərlə müqayisədə daha da möhkəmləndiyini bildirib.
ilkinxeber.az informasiya agentliyi xəbər verir ki, Pezeşkianın sözlərinə görə, dövlət səviyyəsində qəbul edilən bütün qərarlar Ali Rəhbərin müəyyən etdiyi istiqamətlər əsasında həyata keçirilir.
Prezident qeyd edib ki, rəhbərlə münasibətlərin yaxşılaşması və onunla daha operativ əlaqə qurmaq imkanı dövlət idarəçiliyində qərarların icrasını daha səmərəli təşkil etməyə şərait yaradıb.
“Yaxşılaşmış əlaqələr və hörmətli rəhbərimizə daha rahat çıxış imkanı sayəsində bütün fəaliyyətlər onun göstərişlərinə uyğun şəkildə təşkil olunur”, deyə Məsud Pezeşkian vurğulayıb.
