Azərbaycan Milli Qvardiyasının yaradıcısı və ilk komandanı olmuş polkovnik Azər Bahadur oğlu Babayev vəfat edib.
İlkinxeber.az informasiya agentliyi xəbər verir ki, bu barədə onun yaxınları məlumat yayıb. Bildirilir ki, ehtiyatda olan polkovnik Azər Babayev Rusiyanın paytaxtı Moskva şəhərində 70 yaşında dünyasını dəyişib.
Qeyd edək ki, Azər Babayev 1956-cı ildə anadan olub. O, 1991-ci il dekabrın 25-də yaradılan Azərbaycan Milli Qvardiyasının ilk komandanı təyin edilib və 1993-cü ilin avqust ayına qədər bu vəzifədə xidmət göstərib.
Mərhumun Rusiyada dəfn olunacağı gözlənilir.
