Mərdəkan qəsəbəsində dənizdə itkin düşən Bakı Dövlət Universitetinin 19 yaşlı tələbəsi Zeynəb Məmmədzadədən artıq bir aydır heç bir xəbər yoxdur.
ilkinxeber.az informasiya agentliyi məlumat verir ki, bu barədə itkin düşən tələbənin yaxını Üzeyir Eldar Cəfərov sosial şəbəkə hesabında paylaşım edib.
Onun sözlərinə görə, Zeynəbin itkin düşməsindən 30 gün keçməsinə baxmayaraq, hələ də onun taleyi ilə bağlı hər hansı məlumat əldə olunmayıb:
“İyulun 6-da Xəzər rayonunun Mərdəkan qəsəbəsində dənizin nəzarətsiz hissəsində 4 nəfərin batması ilə bağlı hadisə baş vermişdi. Məlumat daxil olan kimi Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri dərhal əraziyə cəlb olunub.”
Axtarış-xilasetmə tədbirləri davam etsə də, hələlik Zeynəb Məmmədzadənin tapılması ilə bağlı nəticə yoxdur.
