İlkinxeber.az informasiya agentliyi məlumat verir ki, Azərbaycanda fəaliyyət göstərən heyvan kəsimi məntəqələrində aparılan yoxlamaların nəticələri açıqlanıb.
Azərbaycan Qida Təhlükəsizliyi Agentliyinin (AQTA) məlumatına görə, respublika üzrə aktiv fəaliyyət göstərən 84 heyvan kəsimi məntəqəsi yoxlanılıb.
Yoxlamalar zamanı 27 məntəqənin sanitar-gigiyenik və sanitar-texniki vəziyyəti qənaətbəxş, 47 məntəqənin vəziyyəti qismən qənaətbəxş, 10 məntəqənin vəziyyəti isə tam qeyri-qənaətbəxş qiymətləndirilib.
AQTA tərəfindən müəyyən edilmiş nöqsanlarla bağlı müvafiq tədbirlərin görülməsi istiqamətində işlər davam etdirilir.
